81真相 (第1/1页)

    潜入发哥住所的孖根，想着只要找不到隐形装甲便能证明昔日好友发哥并非真凶．．．可惜，偏偏事与愿违．．．

    知道这个穿着隐形装甲的敌人原来便是发哥，孖根大感伤痛悲愤：「．．．点解？．．．你嘅仇恨真系深到．．．不惜要杀害其他食屍鬼？？．．．甚至系我？？」

    发哥说：「我只系为左保护乡土。」

    孖根问：「杀乡土嘅兄弟姊妹，就系保护乡土？」

    发哥气忿说：「班仆街人类终有一日都会将我地赶尽杀绝，我一定要喺依件事发生之前阻止佢地！」

    「伤害我地嘅系上一代嘅人类，唔系宜家依班欣澳嘅居民．．．发哥，过去左嘅嘢，你就由得佢过去啦．．．」孖根无奈说

    「你根本唔明白人类嘅本X！！」发哥满腔怒气：「佢地宜家肯乖乖合作，系因为佢地都自身难保咋！到佢地安顿好自己，解决晒自己嘅问题，就会开始侵略人地，依啲就系人类嘅本X呀！人类，系永远都唔会变架！」

    「你无错，人类的确系咁。而睇嚟流主都无错，我地食屍鬼心入面，都其实系人类。」孖根揶揄

    「我唔理你点讲，总之我所做嘅一切都系为左乡土好，为左要依班人类消失！！」发哥说

    「你想班人类消失，咁点解要杀Si其他兄弟姊妹嚟陷害人类？」孖根问

    「因为宜家乡土嘅兄弟姊妹甚至系老豆，都已经b人类嘅花言巧语迷惑晒，b物质利益所蒙蔽！佢地只系睇到眼前嘅利益享受，但系就睇唔到将来依班人类会点样灭绝我地！」发哥露出一副充满着复仇怨念的笑容续说：「只要我用方法将人类丑恶嘅一面暴露出嚟，乡土嘅兄弟姊妹就会醒过嚟，一齐同心合力去铲除依班万恶嘅人类！！」

    「杀害自己嘅兄弟姊妹，然後嫁祸b人，就系暴露人类丑恶一面嘅方法？」孖根叹气说：「．．．你暴露左嘅，只系你自己丑恶嘅一面。」

    「孖根，你已经无得救。」发哥说着便马上戴上头盔并再次进入隐形状态

    然而，有违发哥预期，孖根并未有立刻向他攻击，反而是收起武器打算逃跑！

    「孖根！面对我！你以为你咁样走左，事情就会解决咩？？定系你痴得人类太多，连个胆都细埋呀？」发哥嘲讽说

    「我只系觉得你仲有得救。」孖根说

    「只可惜你无！」发哥继续追击

    不知何故，孖根始终不愿还击，面对身穿隐形装甲的发哥，她节节败退！迫於无奈之下，她仍然只坚持以小刀自卫．．．可惜以她的近战技巧，连保护自己也甚为勉强。孖根此刻倒是有点後悔没有好好跟锁匙萱请教．．．

    「发哥，你真系要杀埋我？？」孖根狼狈地闪躲着发哥

    隐身了的发哥说：「为左保护乡土，就算再唔愿意我都会出手！」

    孖根大感无奈，发哥已经走火入魔失去理智，看来为了保命，她只有大义灭亲，拔枪杀Si这个相识多年的好友．．．

    不过，就在此时，一颗手榴弹突然从窗外被抛进来！孖根和发哥也愣了一下，然後孖根不顾一切趁虚破窗跳出屋外！果然，手榴弹随即爆炸，虽然威力未足以炸毁发哥的小屋，但若然在毫无防备之下被炸到，也绝不可能全身而退！

    「大姐！？」

    孖根闻声仰头看过去，竟然是欣澳那个嘴巴伶俐的乞丐：「系你？你喺度做咩呀？？」

    乞丐说：「我头先一直跟踪住个隐形人嚟依度．．．然後听到佢同唔知边个讲嘢，仲打起上嚟，我咪用个炸弹炸鸠个仆街罗！」

    「仆街？」孖根不明白乞丐为甚麽会认识隐形人，也不明白为甚麽要如此称呼隐形人，但她未有深究：「算啦，唔好讲咁多啦，趁宜家快啲走。」

    非常戏剧X地被乞丐所救，孖根火速回到欣澳。可惜，才刚回来，孖根便再受到另一个强烈的心理冲击．．．．．．老婆婆上吊自杀了。

    流主他们和程天也大感惋惜和悲痛，特别是才刚赶回来的孖根，她既伤心，同时也十分失望．．．自己的一个好友，杀害自己的兄弟姊妹，再间接害Si数个人类．．．甚至迫得一个老婆婆哀痛自尽．．．而他做出了这麽多过份的事，目的就是为了挑起纷争．．．曾经相信发哥的孖根．．．此刻彻底地无言．．．

    然而，事情并未完结，孖根还未来得及交代刚才所发生的事情，数辆大型军车便载着上百个重装备的食屍鬼守卫抢先把欣澳给重重包围！！流主他们立即跑到街上查看，其他的村民也因为深夜出现如此吵闹的声音而走出来一看究竟。

    程天一脸茫然：「做．．．做咩事呀？？」

    上百个看来不怀好意的食屍鬼守卫都纷纷举枪把流主他们围起来，还有一些守卫把村的出入口封锁起来！

    然後，食屍鬼之父在受伤了的发哥陪同下从军车下来．．．

    食屍鬼之父说：「你地都好事多为啦．．．枉我仲咁信你地。」

    程天大感疑惑：「究竟咩事呀？？」

    发哥没有理会程天的疑问：「就近日所发生嘅事件，我地经过商讨，为左保护乡土嘅兄弟姊妹，决定由宜家起正式同欣澳解除同盟关系！」

    「咩话！？」事情发展的速度快得连流主他们也大感意外

    发哥续说：「欣澳嘅居民你地听住，宜家你地只有两个选择！一，就系离开欣澳！二，就系成为我地嘅一份子，或者Si亡！」说毕，食屍鬼守卫们立即拿出大量被改装过的手榴弹

    众人闻讯也一片哗然．．．

    发哥高举一颗改装手榴弹说：「依个系辐S手榴弹，如果你地唔离开，我地就会用佢地嚟攻击欣澳！！」

    因为同盟的原故，欣澳大部份的武器圴交由乡土保管，此刻，手无寸铁的欣澳居民可谓完全无助。他们根本没有议价的筹码，甚至是没有选择的余地．．．

    程天万般无奈：「究竟发生左咩事？？如果系因为有人杀Si食屍鬼依件事．．．啲犯人同个nV人都已经b你地处决左啦．．．就连佢阿妈都上吊自杀左．．．．．．都算系对你地有个交易代呀．．．你地仲想点呀．．．」

    发哥转身向着其他的食屍鬼说：「点解我同老豆喺依啲咁夜嘅时间叫大家全副武装出嚟，然後仲突然宣布同欣澳解除同盟关系．．．就系因为啱啱发生左一件事！」发哥说着，忽然举手指着孖根：「痴孖根，我地曾经嘅姊妹．．．佢串通欣澳嘅居民，行刺食屍鬼之父！！」

    众人闻言又再次哗然，食屍鬼们更愤怒得起哄！孖根则一脸难以置信的表情．．．

    「虽然，好彩b我及时阻止左佢地嘅J计，但系我自己亦都差啲无命，我间屋亦都b佢地炸毁左．．．」发哥说

    其他食屍鬼得知「真相」後无不怒发冲冠，对这群忘恩负义恩将仇报的混蛋恨之入骨！

    发哥乘势火上加油，挑起群众怒气：「佢地一而再再而三咁杀害我地嘅兄弟姊妹，我地都一再让步包容．．．宜家佢地仲居然大胆到行刺食屍鬼之父，我地仲点可以忍！？」

    食屍鬼们都叫嚣和应，甚至更亮出武器，准备一雪仇恨，伸张正义！只要食屍鬼之父一声令下，无数的Pa0弹和辐S手榴弹便会把欣澳夷为平地！！